Շաբաթօրյակ դպրոցի շրջակայքում

Ապրիլի 22-ին դպրոցի բակում անսովոր եռուզեռ էր: Աշակերտները հավաքվել  էին շաբաթօրյակի: Յուրաքանչյուր դասարանին դպրոցի բակում տրամադրված էր որոշակի տարածք: Աշակերտները իրենց դասղեկների ղեկավարությամբ կարգի բերեցին իրենց հատկացված տարածքները, ծաղիկներ տնկեցին:

Աշակերտական խորհուրդը  նույնպես իր մասնակցությունն ունեցավ կազմակերպված շաբաթօրյակին:Նրանք ներկայացել էին կանաչ տարբերանշաններով: Աշխորհրդի անդամները  կրաջրով ներկեցին դպրոցի շրջակայքի ծառերի բները, ծառերին և սյուներին փակցվեցին նախօրոք պատրաստված Պահպանել մաքրություն խորագրով  գրություններ:

   

Ապրիլի 7-ին մրցում են մայրիկները

Ապրիլի 7-ին դպրոցի դահլիճում տեղի  ունեցավ մայրության և գեղեցկության տոնին նվիրված` <Ձեզ տեսնենք մայրիկներ> խորագրով միջոցառումը: Ապրիլյան մի պայծառ օր, կազմակերպելով այս հրաշալի մրցույթը, 4Ա դասարանի աշակերտները` դասղեկ Նելլի Վասիլյանի հետ միասին, որոշեցին մայրիկներին կտրել առօրյա հոգսերից և հիշեցնել սեփական  մանկությունը: Մայրիկները բեմ հրավիրվեցին և սկսվեց մրցույթը: Ակտիվ մասնակցության և տրված հարցերին ճիշտ պատասխանների համար նրանք արժանացան ժյուրիի բարձր գնահատականին: Միջոցառման վերջում մայրիկները ստացան շնորհակալագրեր: Միջոցառումն անցավ ուրախ մթնոլորտում:

Շաշկու մրցումներ

Մարտի 28-ին  մեր դպրոցում տեղի ունեցան շաշկու հերթական մրցումները: Մասնակցում էին տղաների և աղջիկների թմերը: Նրանք դպրոցի լավագույն  խաղացողներն են:  Տեղի ունեցավ  թեժ պայքար: Աղջիկներից առաջին տեղը գրավեց Դավթյան Թագուհին, երկրորդ տեղը`   Ոսկանյան Զինան, երրորդ տեղը` Ռեվազյան Անին:
Տղաներից  առաջին տեղը գրավեց Դավթյան Գրիշան, երկրորդ տեղը` Հովսեփյան Արմենը, երրորդ տեղը` Գրիգորյան Արմանը: Բոլորին տրվեցին պատվոգրեր: Մրցումները կազմակերպել էր  շախմատի և ֆիզկուլտուրայի ուսուցիչ Գարիկ Թովմասյանը:

Ազգային ժողովի գավաթի խաղարկություն

Օրերս Դիլիջանի թիվ 2 դպրոցի մարզադահլիճում տեղի ունեցավ ՀՀ կրթության և գիտության նախարարության կողմից կազմակերպված <<Ազգային ժողովի գավաթի>>  խաղարկության երրորդ փուլը:
Այդ մրցույթին ակտիվ մասնակցություն ցուցաբերեցին նաև մեր դպրոցի I-VI դասարանների աշակերտները: Թեժ պայքար էր ընթանում: Աշակերտները մեծ ոգևորությամբ էին հանդես գալիս: Մեր դպրոցի աշակերտները առանձնակի վարպետությամբ էին աչքի ընկնում: Պակաս ոգևորությամբ չէին խանդավառված  նաև նրանց դասվարներ Գենյա Թամրազյանը, Ալիտա Միրիբյանը, Կարինե Ղուշչյանը, Էրիկա Սևանյանը:
Արդյունքում մեր դպրոցը պարգևատրվեց ՀՀ կրթության և գիտության նախարարության վկայագրով: III Ա դասարանի աշակերտներ Սմբատ Օթարյանը, Արթուր Վարդանյանը, Սյուզաննա Գուլինյանը, Ալիսա Գրիգորյանը և V դասարանի աշակերտներ Էրիկ Դավթյանը, Խորեն Գրիգորյանը, Լաուրա Մովսիսյանը, Արաքսյա Խաչատրյանը Տավուշի մարզում գրավեցին  I տեղը և արժանացան հանրապետական փուլին մասնակցելու բարձր պատվին: Հաջողություն նրանց...

Մարտի 8

Օրերս` մարտի 7-ին, տեղի ունեցավ Դիլիջանի թիվ 4 դպրոցի IVԲ դասարանի դասղեկական բաց դաս-միջոցառումը` նվիրված Մայրության և Գեղեցկության տոնին` Մարտի 8-ին: Հրավիրված էին ծնողներ, ուսուցիչներ, աշակերտներ:

Միջոցառումն սկսվեց դպրոցի հանդիսությունների դահլիճում, որը նախապես ձևավորված էր ըստ պատշաճի: Միջոցառման ընթացքում IV դասարանցիները ողջունեցին հավաքվածներին, գեղեցիկ բանաստեղծական հղումներով շնորհավորեցին մայրիկների, ուսուցչուհիների, կանանց և աղջիկների Մարտի 8-ը, երգեցին, պարեցին, ցուցադրեցին բեմականացված հատվածներ գարնան, արևի, ծաղիկների, ողջ բնության զարթոնքի և համընդհանուր բերկրանքի թեմաներով:

Ներկաներին հիացրեց փոքրիկների անմիջականությունը, բացահայտվեցին երեխաների շատ ունակություններ, ինչի մասին միջոցառման ավարտին խոսեցին թե ծնողները, թե դպրոցի տնօրեն Ծ. Մկրտչյանը:

Մեծ, շնորհակալ աշխատանք էր կատարել երիտասարդ, սկսնակ դասղեկ Ա.Հարությունյանը, ինչը ևս նշվեց ներկաների կողմից:

Միջոցառումը հետաքրքիր էր, ուսանելի, արժանի գովասանքի: 

Գարուն

Գարուն է...  Տարվա ամենագեղեցիկ եղանակը: Գարնան բույրը, ցավոք, դեռևս, դրսում չի զգացվել: Սակայն ի տարբերություն դրսի, մեր դպրոցի ներսում, մարտի 2-ին գարունը իր իրավունքներն էր բանեցնում: Այդ օրը  Անահիտ Մանուկյանը, իր դասղեկ դասարանի` 5 Ա-ի  հետ պատրաստել էր գեղեցիկ միջոցառում: Միջոցառումը գարնանային տրամադրություն էր հաղորդում ներկաներին: Երեխաները իրենց ելույթների ժամանակ մեծարեցին ոչ միայն գարունը, այլ նաև անդրադարձ կատարեցին գարնան տոներին:

Սպորտլանդիա

 Մեր դպրոցի աշակերտների և Դիլիջանի թիվ 1 ավագ դպրոցի աշակերտների միջև կազմակերպվեց սպորտլանդիա, դպրոցների ֆիզկուլտուրայի ուսուցիչների նախաձեռնությամբ: Սպորտլանդիան անցկացվեց թիվ 1 դպրոցի սպորտդահլիճում: Կազմակերպվել էին հետաքրքիր խաղ-մրցույթներ երկու դպրոցների թիմերի միջև: Երեխաները մեծ ոգևորությամբ մասնակցեցին սպորտլանդիային: